2026 жылғы 23 қазанда Астанадағы alem.ai халықаралық жасанды интеллект орталығында NVIDIA компаниясының негізін қалаушы әрі бас директоры Дженсен Хуанг пен Қазақстан Республикасы Премьер-Министрінің орынбасары, Жасанды интеллект және цифрлық даму министрі Жаслан Мәдиевтің қатысуымен ашық форматтағы кездесу (Fireside Chat) өтті. Кездесу барысында жасанды интеллекттің болашағы, Physical AI технологияларын дамыту, энергетика мен есептеу инфрақұрылымының маңызы, сондай-ақ Қазақстанның жаһандық жасанды интеллект экожүйесіндегі әлеуеті талқыланды. Дженсен Хуанг Қазақстанның Physical AI саласындағы әлемдік орталықтардың біріне айналу мүмкіндігін атап өтті. Әсіресе тау-кен өнеркәсібі, энергетика, ауыл шаруашылығы, робототехника және өндірістік процестерде жасанды интеллектіні қолдану перспективаларына назар аударылды. Сондай-ақ кездесу аясында Қазақстанның технологиялық экожүйесін дамыту, отандық стартаптарды қолдау, инженерлік кадрлар даярлау және қазақстандық технологиялық компаниялардың әлемдік нарыққа шығу мүмкіндіктері сөз болды. #Қазақстан #ҚазақстанныңБолашағыҚазақстанқҚазақстанқЖасандыИнтеллектәуіріҚазақстанқДамуҰлтқДаму #ҚазақстанТехнологиясықТехнологияларыңаДәуір