ҚР МИИТСР мен «Қазақтелеком» Қазақстанды жеделдетілген цифрландыру жобасы аясында ынтымақтастық туралы келісті.

Қазақстан Республикасының Жасанды интеллект және цифрлық даму министрлігі мен «Қазақтелеком» АҚ «Қазақстанның инклюзивті экономикасы үшін жеделдетілген цифрландыру» жобасы аясында ынтымақтастық туралы меморандумға қол қойды. Ынтымақтастықтың негізгі бағыты ауылдық жерлерде телекоммуникациялық инфрақұрылымды дамыту болады. Жоба аясында еліміздің 1000-нан астам ауылдық елді мекендерінде талшықты-оптикалық байланыс желілерін салу жоспарлануда, бұл тұрғындардың заманауи цифрлық қызметтерге қолжетімділігін кеңейтуге жағдай жасайды. Жобаны жүзеге асыру қала мен ауыл арасындағы цифрлық алшақтықты азайтуға бағытталған. Коммуникациялық инфрақұрылымды дамыту ауыл тұрғындары үшін жаңа мүмкіндіктер ашады - қашықтықтан білім алу мен мемлекеттік қызметтерді алудан бастап кәсіпкерлікті дамытуға және цифрлық шешімдерді күнделікті өмірге енгізуге дейін. «Қолжетімді интернет» ұлттық жобасын жүзеге асыру аясында ауылдық елді мекендердегі пайдаланушыларға тікелей оптикалық байланыс желілерін тарту басты міндет болып табылады.ТОБЖ SNP 1.0 жобасы аясында магистральдық инфрақұрылымды 2018–2020 жылдары «Қазақтелеком» АҚ және «Транстелеком» АҚ салған. Бүгін біз «Қазақтелеком» компаниясының магистральдық инфрақұрылымына жергілікті шағын және орта байланыс операторларына қолжетімділікті қамтамасыз ету туралы келісімге келдік. Бұл оларға ауылдық елді мекендерде интернет жылдамдығы кемінде 100 Мбит/с болатын GPON технологиясын қолданатын соңғы миль желілерін жылдам орналастыруға мүмкіндік береді», - деп атап өтті Қазақстан Республикасы МКҚК Телекоммуникациялар комитетінің төрағасы Дамир Сейсембеков. «Бүгінгі таңда жоғары сапалы интернетке қол жеткізу тек байланыс мәселесі емес, халықтың өмірі мен дамуының қажетті шарты болып табылады. Біз үшін ауыл тұрғындарының білім алуға, жұмыс істеуге және бизнеске үлкен қала тұрғындарымен бірдей мүмкіндіктері болуы маңызды. Цифрлық инфрақұрылымды дамыту – бұл өңірлердің және бүкіл елдің болашағына инвестиция», – деді «Қазақтелеком» АҚ Корпоративтік бизнес басқармасының бас директоры Асқар Қайыров.Қол қойылған меморандум бірлескен жұмысты үйлестіру мен жобаға қатысушылардың тиімді өзара әрекеттесуіне негіз болады. Мемлекет пен елдің ірі телекоммуникация операторының күш-жігерін біріктіру байланыс инфрақұрылымының дамуын жеделдетеді және Қазақстанның ауылдық аймақтарын одан әрі цифрландыру үшін берік технологиялық негіз жасайды.